هدية أم الأحرار لثوار القصبة 4
ما أحلى الثورة التونسية تضم الجميع
ثورتنا ثورة حرّه عمرها ما تضيع
ثوري ثوري يا تونس ثوري ثوري
ثوري ثوري علْ الجبهه و الدستوري
ثوري ثوري يا يُمّهْ يا خضرا علاش؟
ثوري ثوري و لِخْيانهْ ما تتعدّاش
ثوري ثوري يا حْبيبه و لا تتقهري
ثوري ثوري و بنارك بدّلْ دهري
ثوري ثوري يا مّيمه ثوري علْ العارْ
و إعلامنا هاك الواطي خوذ منو الثار
ثوري ثوري يا حرّه ثوري ع الدّمْ
تِخْرِسْ أصْوات الفتنه أصوات الهمّ
و جبهة الإنقاذ غرّقتك في بحر الدّمْ
و فيقي فيقي يا بلادي لا تذوقي السّمّ
جبهة الأصفار دونيّه عْمُرْها ما تسبقْ
جبهة الباجي و حمّه تجري ما تلحقْ
ثوري ثوري علْ الغلبه ما طاقوهاشْ
و ثوري ثوري ها اللعبة ما نجموهاش
ديمقراطيّه صحيحة ما يعرفوهاشْ
“نِلْعبْ و إلاّ نْحَرَّمْها ” راهم أوْباشْ
غْلِبْهم صندوقِ لّــــــــــــنتخاباتْ
دَوّرُوها اضْراب علينا و اعتصامات
حْلِبْتو الزّوّالي برّكتو بلادْ
تكشفتْ لينا لعبتكم لعبة الأوغادْ
دوّرتوها تفجير و قلّكْ إرهابْ
فمّاشي ما تحكمونا بالانقلابْ
شعبي أذكى من النخبه أذكى منكم
عمرو ما يرهبْ عمرو ما يبلع طُعْمْ
وإسلامنا عل الخير و الحق برد و أمانْ
لكن ع الظلم الغادر نار و عدوان
ثوري ثوري يا تونس ثوري ثوري
و انت يا حكومة قدِّمْ لا توخّرْ
اشفي غلّ الشعب لا بيك يكوّرْ
شعبي قاللكم كونوا صْناديدْ
لا خوف لا رعشة كونوا حديدْ
و انت مضمض يا جبهة جبهة الغدرْ
بعتونا للبرّاني استنوا القهرْ
بركان الثورة راحْ يتفجرْ
تحرق نيرانو تا نتطهّرْ
و ترجعْ ثورتنا حرّه ديما ربيعْ
و العالم بيها يرسم فجرو البديعْ
وما أحلى الثورة التونسية تضم الجميعْ
ثورتنا ثورة حرّة للشعب ربيعْ
مع تحيات أم الأحرار