عرض مواطنون من مختلف ولايات الجمهورية خدماتهم لأهالي وأقارب جرحى الحادث الأليم الذي جد أمس الأربعاء في منطقة خمودة من ولاية القصرين وخلف 16 قتيلا و60 جريحا من بينهم 43 متواجدين بالمستشفى الجهوي بالقصرين و17 آخرين تمّ إرسالهم الى كلّ من مستشفيات الحروق البليغة ببن عروس، معهد القصّاب بالعاصمة، مستشفى سهلول بسوسة، مستشفى الحبيب بورقيبة بصفاقس، المستشفى الجهوي بالقيروان والمستشفى الجهوي بسيدي بوزيد.
وقد انتشر نداء للمواطن جمعة عبودي عبر صفحات عديدة في فضاء الفيس بوك قال فيه الآتي :
الرجاء التمرير و المشاركة :
” بالله … اي عائلة او أفراد من القصرين تحولوا لسوسة … للاطمئنان على ابنائهم جرحى حادث ” خمودة ” … أضع على ذمتهم 06 شقق سكنية كبيرة للمبيت و الراحة و الاكل و الاستقرار و أتكفل بنقلهم من و الى مستشفيات سهلول و حشاد … طيلة الأيام قبل العيد …مجانا
– ربي يرحم موتانا و يشفي جرحانا … و ربي يقدرني و يقدركم على فعل الخير …
– جمعة عبودي ( الهاتف : 423 950 98 )
#انا_خمودة
#أنا_القصرين
هذا وعلى إثر العرض الذي قدمه المواطن جمعة عبودي تتالت العروض من صفاقس وبن عروس وقال أحد المتطوعين في تصريح لإذاعة ”الجوهرة أف أم” إنه تلقى اتصالات من مواطنين آخرين عبروا عن رغبتهم كذلك في المساعدة من خلال تقديم الأكل و التكفل بمصاريف التنقل .
وفي سياق آخر انتشرت موجة غضب من نشطاء مواقعى التواصل الاجتماعي من الموقف الرسمي الذي لم يبادر بالاسراع في إغاثة أهالي القصرين
وانتشرت مئات التعاليق تنتقد موقف الرئيس االباجي قائد السبسي وحكومة يوسف الشاهد رصدنا منها الآتي :
المدون والناشط ياسين العياري كتب في صفحته :
المشكل ماهوش فلوس.. الفلوس موجودة، موجودة لزهرة ادريس و قصر الحمامات و الصنب
المشكل ماهوش موقف من إعلان الحداد.. أعلنوه في موت ملك السعودية في فرشه
المشكل ماهوش موقف من تنقل الوزراء.. تنقلوا لتدشين قهوة
المشكل ماهوش في مخاطبة الرئيس للناس، عمل خمسين خطاب على شقوق حزبه
المشكل ماهوش قرار عدم حضور جنازات الجنود.. شطر الدولة تلمت في جنازة ولد القروي
الأمر أبسط و أوضح : أنتم بالنسبة لهم بف بف، ذرات غبار، راس مالكم دبوزة زيت و كيلو سميد، ارهاب و خشخاش، مخربين
أنتم بالنسبة ليهم مهربين و جبورة و زرق
أنتم بالنسبة ليهم حفتريش
المشكل، في كلمة واحدة، هو الحقرة.
نحن لسنا شعبا واحدا في أعينهم، بل شعبين، طبقتين، عالمين: أسياد بيض و رعاع مزعجون و يخيرون إفنائكم جميعا على ازعاج واحد من الأسياد لأجلكم.
هذه هي الحقيقة، واضحة، لم يخفوها حتى!
-النائب بشير النفزي كتب :
فقط تذكروا يا توانسة وقت اللي مات ملك السعودية ، أعلن الحداد الرسمي… كيف مات ولد حاكم دبي، السبسي و جماعتو، طاروا طيران لتعزية آل مكتوم… و تذكروا زادا، وقت اللي الدمومات تجري بعد فاجعة حادثة قطار سليانة…نهارتها جماعة السبسي متاع النداء تحتفل بالطبل و المزمار في قبة المنزه. … زيدو سجلوا اليوم إنو فوق من عشرين روح طلعت في القصرين و رعب الإرهاب واللي ماتوا فيه النهارين أربع بين جنود و مدني… و السبسي يعمل في إستعراض تملك و سلطوية في قرطاج على الموظف متاعو ووزيرو الأول و ما خسرش حتى إعلان حداد تكريما لأرواح اللي ماتوا… هذا قدركم عند سليل المماليك…
#عقلية_شعب_الرعايا
#حلم_شعب_المواطنين
وكتب مواطن من القصرين الآتي :
مواطن في القصرين. 😩..
سي يوسف سامحني من الفجر و انا واقف لتونس في سوق “خمودة ” …واقف لخبزة صغاري نبيع في كعبتين طماطم و شوية فلفل باش ما نمدّش إيدي للسرقة …باش ما يشريش الارهاب ضميري و نخون بلادي ….باش ما نجيش لأحيائكم الراقية في العاصمة و نقلق راحتكم بالانتصاب الفوضوي ….سامحني سي يوسف راني واقف لتونس غير توة تعبت شوية لاباس ما تتفجعش سي يوسف ما ثمة شيء ..مجرد كميون ماخذ الفيزيتا بالرشوة ما عندوش مكابح دخل في الكار في قلب السوق الفوضوية …لا لاباس لاباس 20 موتى و 50 مجاريح أكاهو و سيارات الاسعاف ما قصروش عاهدكم بيهم خلطوا من بوزيد و القيروان(إخوتنا في التنمية و الرفاه ) ساعتين و إلا ثلاثة و يخلطوا …انا هاك تشوف ..لاباس شوية حروق من الدرجة الثانية و الفاميلية لاباس كان الوليد و المرا حبّهم ربي هزّهم …سي يوسف ما تقلقش روحك و تجينا الطريق حرشة عليك شوية .. و المفرخ متاع الارهاب موش مضمونين …..نرتاح شوية أكاهو سي يوسف و نعاود ناقف لتونس و زيد نتقشّف زادة كان تحبّ ….المهم انتوما لاباس سيدنا
صفحة معا لكشف الحقائق الخفية كتبت :
فما ناس مستغربة كيفاش وزيرة الصحة #سميرة_مرعي ما تنقلتش مصباح للقصرين في كارثة كيف إلي صارت اليوم … للتذكير سميرة مرعي كانت من المشاركين في إضراب الأطباء في حكم #التروكيا ضد قرار وزير الصحة #عبد_اللطيف_المكي لاجبارية عمل أطباء الاختصاص في #المناطق_الداخلية …. يعني بالمنطق وحدة كانت ضد عمل الأطباء في مناطق كيف #القصرين ؟؟؟؟؟
