كشف الطبيب المختص في طب الإنعاش والتبنيج زكريا بوقرة عن كارثة جدت بمستشفى القصاب بمنوبة وذلك في تدوينة له على صغحته بموقع “فيسبوك” اليوم الخميس وجاء فيها:
“كارثة صحية جديدة اليوم من مستشفى القصاب بمنوبة. نهار الأربعاء الي فات رقد مريض بش يعمل عملية. في عيادة ما قبل التبنيج امام بعض الاعراض طلبنا أنو المريض يقوم بتحليل الكوفيد.
التحليل صار نهار الجمعة. وقعدنا نستناو نستناو نستناو….
روح المريض نهار الثلاثة والتحليل ما حضرش.
مات المريض نهار الثلاثة الله يرحمو والتحليل ما حضرش.
تدفن المريض وصلاو عليه البارح الاربعة والتحليل ما حضرش.
البارح في العشية مخر يحضر التحليل ويطلع ايجابي.
الى الان فما طبيب باشر المريض طلع مصاب حتى هو. فما زادا عون صحة قاملو بالجبس مشتبه فيه. فما زادا ممرض راقد في الكلينيك توة ب40 سخانة وبش يقوم بالتحليل.
احسبو قداش من واحد باشر المريض.
ما تتصوروش حالة الهلع والخوف في صفوف اعوان الصحة في المستشفى.
شفتو سوء تصرف الدولة وين يوصل؟
شفتو لا مسؤولية الوزارة شنية عواقبها؟
على قريب المنضومة الصحية الكل بش تنهار ونشوفو وقتها شكون مازال بش يداوي المرضى.
علاش علاش علاش روح الانسان ما عادش عندها قيمة.
الزوز توريسة الي ما جاوش أهم من حياة الشعب التونسي؟
فيق يا شعب!
وقت ما ينفع الندم بدأ يقترب بسرعة.
الشعب هو الوحيد الي يقدر ان يرعب الحكومة وان يجبرها على التراجع عن الابادة الجماعية التي تطبخ لنا”.
دولة فاشلة و قاتلة