منع المدون ياسين العياري من السفر والالتحاق بعمله في فرنسا
وقد دون ياسين العياري مقالا بخصوص هذا المنع جاء فيه:
المهزلة تتواصل
الحلقة الأولى: القانون واضح، لا يمكن لفرقة مكافحة الإجرام فتح تحقيق و الإيقاف في المطار، دون إذن وكيل الحمهورية، في حالتي: بدون إعلام وكيل الحمهورية و إذنه، نتوقف في المطار، و يتحل تحقيق
القاضي حفظ القضية، و رفع منع السفر
الحلقة الثانية: اليوم، مطار تونس قرطاج، رغم أن القاضي أغلق القضية، و نحى منع السفر الغير قانوني أصلا: أمنع اليوم من الإلتحاق بعملي في فرنسا، كيف العادة دون إذن أو سند قضائي
في بالهم زعمة، يمرمدو فيا? يقصو عليا في خبزتي بعملان مشاكل و عدم إلتحاقي بخدمتي? ينتقمو? زعمة نخلص في ثمن شهادتي أمام قاضي ضد كمال اللطيف و المناصب الي عرضها عليا باش”نقلب القيستة”? زعمة الديماسي ينتقم? زعمة كتاباتي? زعمة سواعد قلقت للدرجة هاذي، لدرجة إنه نتوقف المرة الأولى دون إذن و دون إعلام وكيل الحمهورية و المرة الثانية رغم أنف القاضي الي حفظ القضية? هل وليت نقلق للدرجة هاذي?
يريدون حربا فلتكن، يريدون المس من معنوياتي يحلمو، يحبو يقصولي جوانحي بحرماني من خدمتي كمهندس نجوم السماء أقربلهم، يحبو يردوني عن كلمة الحق و يخوفوني بالعكس، ما يزيدوني الا إصرارا