النهضة تعتقد أن بقائها خارج السجن مربوط بعودة التجمع و رضاه عنها، فهاهي تعد :”جثثهم”
أنصار الشريعة صنفت إرهاب منذ اليوم الذي خرجت فيه و حمت العباد و المنشآت و أفسدت حسابات من إغتال بلعيد
الحكاية أسهل مما يصورون، قديمة كالأزل : فرق تسد
1- عزل النهضة عن الشابي : تم بإستقطاب الشابي بوعده بالرئاسة
2- عزل النهضة عن حزب العمال و 18 أكتوبر : تم بإستقطاب حمى بقتل شكري بلعيد
3- عزل النهضة عن الثوار و المؤتمر و وفاء : تم بدفع النهضة للتخلي عن قانون تحصين الثورة
4- عزل النهضة عن الشارع : تم بإستعمال الإعلام
قعدو حاجتين : السلفية و رابطة حماية الثورة
السلفية هاي المكينة خدمت، هاي النهضة تحارب فيها بالنيابة على الدولة العميقة، إمالة ساهل تقول التجمع لن يعود إلا على جثثنا، ساهل تفرعس مخطط إغتيال بلعيد؟ هاك خطر على عودة الأعيان للحكم! و الخطر على حكم الأعيان عنده إسم واحد : إرهاب! سواء سلفي و إلا شيوعي و إلا أي حاجة أخرى!
هاي مرشومة هنا! الخطوة الجاية : النهضة تحارب رابطة حماية الثورة
و تقعد النهضة وحدها، فرحانة هازة القرابين للدولة العميقة، في بالها هكاكة بش يرضاو و يخليوها.. و ياااا معلم، وقتها، بعد ما عزلت روحها على كل من كان ينجم ياقف معاها، بعد ما قامت بالعمل القذر بالنيابة : تبدا المجزرة، و يجزروا النهضة تجزيرا.. وسط شماتة و لا مبالاة الجميع
من تطلب النهضة ودهم، لا يقتسمون السلطة و لا يفون بعهد .. أبدا!
ستنقلب النهضة على ما فعلت نادمة..ككل من أرضى العدو بدماء الأخ
و إن الغد لناظره قريب
بالنسبة لمؤتمر بن جدو الصحفي : خرافات الأولين، قدمت نتائج دون أدلة، و دون ضمان حق الدفاع و قبل أن ينطق القضاء.. كم أنت عبد الله القلال يا بن جدو!